Canto máis se avanza no coñecemento da materia, máis consciente eres do que ignoras. A ignorancia docta (consciente) substitúe á ignorancia indocta (inconsciente) e, en consecuencia, a ignorancia total mantense constante. Co coñecemento aumenta a ignorancia docta. "Se fosse possível explicar-te tudo, não precisarias de perceber nada"
1/6/10
Celebrado reencontro
Rematamos de dar a benvida, de novo, aos multicines Compostela.
Non puido ser máis afortunado o reencontro. O film Fish Tank está á altura de tan feliz acontecemento. Mira que vén sendo dificil reterme durante máis de dúas horas pendente dunha pantalla; pois ben, esta historia conseguiuno. A directora, Andrea Arnold logrou que me interesase pola narración e que sentise, por momentos, emoción e complicidade. Recoméndoa para os que gosten do cinema limpo, escueto, espido e franco, lonxe de efectismos e complementos.
Sempre é de celebrar a (re)apertura dunhas salas de cinema (aínda que algunhas sexan, de tan reducido tamaño, prácticamente tan cómodas como o salón da casa).
Agardemos que estes multicines non teñan que volver poñer o candado. Aínda que teño que confesar que na sesión en que fomos estabamos só os dous. Non é un bó dato. Quizáis o asunto mellore, pois de luns a xoves tamén dan a merenda. Mais, non deben esquecer, os programadores, que a mellor mantenza é o cinema, só cinema de calidade.
15/5/10
Máis outro debate interesante
Mário Crespo, Medina Carreira e Nuno Crato convidam o Professor Guilherme Valente
9/5/10
8/5/10
2/5/10
Desde Fisterra con...saudade e decepción.
Xa pasou o día un de maio. Festa internacional do traballo. Manifestación e actos reivindicativos. Os cantos da Internacional (fermosa letra, polo que parece desexos inalcanzables). Cada ano protagonizados por menos xente (datos son amores). A rotina apodérase dos xestos, dos discursos, das lexítimas aspiracións. É un signo dos tempos. Todo cambia e xa nada parece igual (obviamente porque non o é).
Virán novas formas de entender a loita, feito obxectivo que segue aí, pero xa nunca como antes. Hai demasiada decepción, demasiado burocratismo, excesiva torpeza. O mercado é o novo rei, o novo becerro de ouro, a lei suprema.
Ben, xa pasou. Cumprimos. Ata outro ano, aínda máis diferente, máis cambiante, máis desolador
... veremos.
Mais un estaba, tamén, noutros afáns.
Final de camiñada, onde antes comezaba a fin do mundo (agora non é necesario ir tan lonxe: un pode atopar tal cousa en calquera sitio).
A feitura dunha bota en bronce (ou a saber se de calquera outra aliaxe semellante), a que fica do orixinal par que o "listo" de sempre (quen senón¡) se encargou de "retirar" para uso e beneficio propio. E si...efectivamente... non podía faltar...
Tamén aló estaba: a ordinariez, o mal gosto, a creatividade que de tan sublime torna en invecilidade.
Pero non só iso. Tamén a contaminación, o cheiro abafante, a pena ferida, o fume negro cheirento, a tristura, o gregarismo, os comentarios (a cada cal máis peregrino; nunco mellor dito neste contexto).
Xa está ben¡ Era necesario continuar coa idiotez ideada por algún devoto creativo cheo de achicoria espiritual?
Non. Só había que apagar o lume e afearlle a conduta. Recomendarlle que mirase á fronte e que se deixase levar, que fixese un esforzo e que abrise a mente e os ollos, que os pulmóns se enchoupasen de ar, que dominase o seu espíritu e que piase na intimidade.
Pero non. Tivo que facelo.
E outros, da mesma parroquia ca el, tiveron de continualo. Xa estaba armada¡
Pero é que hai forma máis desagradable de arruinar o final dun fermoso camiño?
Está claro: non comulgo.
Suscribirse a:
Entradas (Atom)
Decisión
Se temos en conta as previsións da maioría das enquisas e sobre todo a última do CIS de hoxe mesmo, resulta realmente sorprendente que Pode...
-
Era pola metade do serán. Nesa hora en que xa é tarde para tomar un café, un té ou unha copiña de licor pero aínda demasiado cedo para sabor...
-
Se temos en conta as previsións da maioría das enquisas e sobre todo a última do CIS de hoxe mesmo, resulta realmente sorprendente que Pode...
-
Se mal non lembro e os meus apuntamentos non me enganan, a primeira conferencia do extinto Clube nacionalista "Alén Nós" tivo luga...